Est 10 | KYG | STEP | Kini vekamo Sekisi'a muki yagaino ne'apateya vaya'aife'mo, Takesi monimo alitapa namiyo, huno hapa pai'nige'a ali'a ami'nae.

Esther 10

Kini vekamo Sekisi'e Motekai'e'mo ala anaki'animo hane'niya kavafe'mo anava gemae

1 Kini vekamo Sekisi'a muki yagaino ne'apateya vaya'aife'mo, Takesi monimo alitapa namiyo, huno hapa pai'nige'a ali'a ami'nae. 2 Kini vekamo'a Motekai'mo alopa napamo alino ami'nigeno'ae'mo muki lokiya kavanagi himamu'aleti'mo hu'niya kavanagi huno huteno muki ani kavatefe'mo Pesiya vaya'aite'e Mitiya vaya'aite'e'mo ne'yagaiya kini vaya'ai muku'apifi'mo avo'mo kae male'nae. 3 Inagi Yu vekamo Motekai'a kini vekamo Sekisi napa tu'amo mai'nige'apae'mo Yu vaya'mogimo ala agi'amo amite'a muki konaga'amogimo amuse hu'a ate'nae. Ate'nageno alagepa ali'ya'mo aliteno Yu vaya'mo hapa maeteno alagepa hu'a maisayafe'mo ge lagauno apateno mai'niye.